КИЧЕЕЦ ЌЕ БИДЕ ПОЛУЗАТВОРЕН Ќе ги изгуби и привилегиите за викенд

Зоран Милески Кичеец се очекува да биде преместен од отворено во полуотворено затворско одделение. Со тоа тој би ги изгубил привилегиите да излегува на викенд, објавуваат медиуми.

Доколку биде донесена ваква одлука, Кичеец ќе треба да биде преместен во друг затвор, бидејќи затворот во Струга е од отворен вид.

Досега на Кичеец му било дозволено да оди на работа и да се враќа во затвор само за спиење.

Во петокот, Кривичниот совет од гостиварскиот суд му го укина притворот на Кичеец за сообраќајката, по што беше вратен во затворот во Струга, каде издржува казна затвор за случајот „Рекет“.