Кендал Џенер конечно потврди дека е во врска со НБА ѕвездата ФОТО
По неколкумесечни шпекулации, манекенката Кендал Џенер (25) на „Денот на вљубените“ потврди дека е во врска со ѕвездата на НБА, Девин Букер.
Сестрата на Кардашијан на Инстаграм-стори објави фотографија со кошаркарот на Феникс Санс.
Џенер и Букер биле забележани заедно уште во април минатата година, по што таблоидите постојано пишуваа за нивната потенцијална врска кога беа забележани за време на заеднички шопинг или други активности, пренесува „Дејли мејл“.
Џенер претходно била во врска со кошаркарите Блејк Грифин и Бен Симонс.
Букер се забавувал со манекенката Џордин Вудс, поранешната најдобра пријателка на најмалата сестра од кланот Кардашијан-Џенер, Кајли Џенер.
Претходно овој месец, извор за Entertainment Tonight тврдел дека врската помеѓу кошаркарот и манекенската функционира затоа што тие не ја комплицираат.
– Ниту една од страните нема големи очекувања или луди обврски – тврди изворот, додавајќи дека распоредот на двете sвезди е доста пополнет, за што и двајцата имаат разбирање.
View this post on Instagram
ФОТО: Инстаграм