КЕЈТ МИДЛТОН БИЛА ВИДЕНА ВО ПРОДАВНИЦА Таа била „среќна, здрава и опуштена“

Принцезата од Велс, Кејт Мидлтон, во саботата наводно била забележана додека била во локална продавница во Виндзор, а таа изгледала „среќна, здрава и опуштена“.

Таа и принцот Вилијам биле видени на едно од нивните омилени места, на околу 1,5 километри од нивната викендичка Аделаида во Виндзор, откако наводно ги гледале нивните 3 деца како спортуваат.

Тоа што биле видени во локалната продавница во Виндзор е надеж за британската јавност која станува сѐ позагрижена за здравјето на принцезата среде море од шпекулации за нејзината состојба.

– По сите гласини, се запрепастив кога ги видов таму. Кејт беше на шопинг со Вилијам и изгледаше среќно и добро. Децата не беа со нив, но таа е доволно здрава за да слезе во продавница, а тоа е добар знак – изјавил за The Sun сведок кој ја видел двојката.

Двојката не била фотографирана поради нејзиното барање за приватност додека Кејт закрепнува, но нејзиното појавување е охрабрувачки знак дека принцезата ги прави првите чекори кон враќање на благородничките ангажмани.

Принцезата, која на Божик го направи својот последен јавен ангажман во селото Сандрингам, треба да се врати на јавна должност по Велгиденските празници на 17 април, кога нејзините деца ќе се вратат на училиште.