Кејот 13 Ноември станува прометна улица?
Бараат во време на пандемија да им се остават терасите, па потоа заеднички да се одлучува како ќе се модернизира овој дел од центарот.
Наместо модернизација, кејот ќе се претвори во прометна улица. Угостителите кои долги години функционираат на ова место со реакција на најавата на Град Скопје, дека кејот ќе се реконструира за да се реши хаосот но за тоа ќе се рушеле летните тераси. Угостителите велат со ваквата одлука освен што ќе наруши безбедноста ќе бидат принудени да отпуштат и 50 проценти од вработените.
Бараат во време на пандемија да им се остават терасите, па потоа заеднички да се одлучува како ќе се модернизира овој дел од центарот. Велат ваквите објекти во кои со години вложувале се срцето на кејот по кој тој е препознатлив.
На фотографијата горе е планот за кејот, со жолта боја е планираната улица која се наоѓа до одобрените бавчи.
Немаат ништо против да се модернизира, но не по цена да остават луѓе на улица. За ваквиот план биле известени пред неколку дена. Се надеваат дека на ваквата одлука ќе реагира Општина Центар.
Градоначалникот на Центар Саша Богдановиќ пак вели дека добил информација дека ќе се реконструира кејот, но следната недела ќе има средба со градоначалникот Шилегов на која детално ќе го разгледа планот по што ќе го изнесе и неговиот став.
Градоначалникот Шилегов за Сител посочи дека плановите се остранувањето на средните терасите да почне од февруари и веќе во мај целосно да биде завршена реконструкцијата. Тврди дека целта е кејот „13 ноември“ да добие целосно нов лик со пешачка зона и да се реши хаосот кој е проблем за скопјани долги години.