Катастрофални поплави во Германија: 30 лица исчезнаа, десетици куќи пред рушење
На уште 25 куќи им се заканува уривање, соопшти локалната полиција.
Околу 30 лица се водат како исчезнати по уривање на шест куќи во германскиот град Шулд, во провинцијата Рајнланд-Фалц, поради поплави и поројни дождови, објави локалната РТВ – Ес-Ве-Ер.
Невремето и обилните дождови посебно ги погодија покраините Северна Рајна Вестфалија, Рајнланд-Пфалц, но и Баден Виртемберг, Баварија и Саксонија. Улиците во повеќе населени места се под вода, што на места целосно ја оневозможува интервецијата на екипите на противпожарната служба и на службите за медицинска помош. Од поплавите се заканува уривање на повеќе куќи, некаде водата е стигната до покривите. На уште 25 куќи им се заканува уривање, соопшти локалната полиција.
Во општината Арвајлер е прогласена вонредна состојба поради природна непогода, повеќе населби се отсечени од светот.Во местото Шулд во Рајнланд-Пфалц поради поплави се урнале шест куќи, во Арвајлер луѓето се спасувани од покривите. Има информации и за загинати.
