🎥 „КАРПАТА“ Ѝ ГЛЕДАЛ НА СМРТТА ВО ОЧИ Двејн Џонсон доживеал драма на летот над Тихиот Океан
На својот профил на Инстаграм, 52-годишниот актер го сподели своето искуство од летот што „тргнал малку наопаку“.
Двејн Џонсон, познат и под прекарот „Карпата“, најплатениот актер за 2024 година, доживеал драматичен миг што го принудил да откаже патување со приватен авион од Хаваи до Тексас, каде што требало да учествува на спортски настан на новата американска Обединета фудбалска лига (УФЛ).
На својот профил на Инстаграм, 52-годишниот актер го сподели своето искуство од летот што „тргнал малку наопаку“. Имено, по 40 минути лет, му пришол пилотот со сериозен израз на лицето…
– Пилотот клекна пред мене, ме погледна в очи и рече: „Господине Џонсон, извинете, но не можеме да го продолжиме летот преку океанот. Имаме проблем и мора да се вратиме во Хонолулу“… Благодарен сум што нè врати безбедно на земјата. Го сфатив ова како знак од Бог и универзумот да застанам и да размислам – раскажал Двејн.
Пилотот Дејвид му објаснил дека се работи за неправилности со хидрауликата и прегревање, што не е нешто со коешто треба да се ризикува над Тихиот Океан.
– Сите сме доживеале турбуленции, но ова беше лудо. И, се разбира, си велиш: „Дали е ова – тоа? Дали вака си заминувам?“ Ми стана јасно што е важно во животот! – продолжил „Карпата“.
View this post on Instagram
Во свој типичен стил, не пропушти да ја зачини приказната со малку хумор, раскажувајќи како стјуардеса го прашала дали му треба нешто, а тој само побарал од својот бренд текила.
– Седев сам, со пијалакот в рака и сѐ ми стана јасно – што е важно, а што не. Имав еден од тие мигови! – заклучил актерот, нагласувајќи дека сега уште повеќе ќе го цени животот и она што навистина има вредност.
Двејн Џонсон го зазеде првото место меѓу најплатените актери лани, со заработка од 103 милиони долари бруто или 88 милиони долари нето. Неговата голема зделка за филмот „Црвениот“ (Red One) чини 50 милиони долари, а заработи голема сума и со „Моана 2“ (Moana 2).