КАРАВАН ЗА МАЈЧИНСТВО ВО ТЕТОВО Совети за бенефитите од доењето и редовната вакцинација!

Срца полни со радост и нова енергија – токму вака заврши уште едно незаборавно патување во рамките на Караванот за мајчинство на dm и Матрона на 20 ноември, во убавото Тетово. Темата „Придобивките од доењето и редовната вакцинација“ беше централна точка на дискусијата, а учесниците беа исполнети со желба за знаење и поддршка.

Под водство на извонредните експерти, овој пат прим. д-р Марина Поп-Лазарова, неонаталог и д-р Теута Јакупи спец. педијатар, полека, но сигурно овој Караван прераснува во вистинска платформа за размена на искуства и информации.

Двете докторки, со својата стручност и страст, создадоа атмосфера која поттикна отворени разговори и охрабрување. Со секое изнесено прашање и секој одговор, чувството на заедништво и разбирање само се засилуваше. Учесниците не само што добија важни информации за доењето и вакцинацијата, туку и нова доза самодоверба. Секое споделено искуство беше како светло во темнината, поттикнувајќи ги мајките да се чувствуваат посигурно во своите избори.

Ова не беше само обука, тоа беше момент на поврзување, поддршка и создавање нови пријателства.

– Со нетрпение ги очекуваме новите курсеви во следните месеци за заедно да продолжиме да го градење на оваа заедница на мајки, кои споделуваат љубов и знаење. Вашето присуство е важно за нас, и заедно можеме да создадеме свет полн со поддршка и разбирање за нашите најмили. Се радуваме на следните патувања, заедно! – велат од дм.