КАРАНФИЛОВА ОД СОРОС ГО ДОНЕСЕ ЗАЕВ НА ВЛАСТ, ЗАЕВ НИ ДОНЕСЕ ПРЕДАВСТВА Во СДСМ ништо не е сменето, заевизмот цвета
Каранфилова Пановска е уште една продолжена рака на Заев и сите лица во сегашното раководство на СДСМ се продолжение на партијата од периодот на владеење на Заев, што на Македонија ѝ донесе многу национални порази, соопшти ВМРО-ДПМНЕ.
Со партиската игранка од пред некој ден СДСМ само потврди дека со него сè уште раководи Зоран Заев, соопшти ВМРО-ДПМНЕ.
„Заев ја води СДСМ преку неговиот неврохирург, Венко Филипче, кој е негова продолжена рака и преку избраните 40 потрчковци. Неврохирургот на Заев, Филипче, на кој живи му изгореа 14 луѓе во модуларната болница во Тетово и кој без трошка срам и грижа на совест не понесе никаква одговорност, сега се продава како ново лице во политичката сцена. Но секако, освен неговите 40 потрчковци желни за власт и позиции, никој друг не им верува, дури ни нивните членови, а најмалку македонските граѓани. Неврохирургот на Заев, Венко Филипче освен што нема никаква грижа на совест и чувство за одговорност, очигледно е опериран и од срам, па така на партиската игранка за негова заменичка ја избрал поранешната претседателка на Сорос во Македонија“, соопшти ВМРО-ДПМНЕ.
За Фани Каранфилова Пановска, Филипче рече дека во себе ги имала социјалдемократските вредности, се додава во соопштението, а таа во Сорос земала плата од 3.400 евра.
„Од јавно достапните информации од Фондацијата Сорос Македонија можеме да видиме дека за 2014 година земала бруто во износ од 2.030.118 денари. А на просечен македонски граѓанин, па и чесен член на СДСМ му требаат пет години да работи за да стигне до оваа баснословна сума која, Каранфилова Пановска ја земала во една година“, соопшти ВМРО-ДПМНЕ.
Од партијата прашуват како Филипче и Каранфилова Пановска ќе се грижат за потребите на гражаните.
– Како со ваквите астрономски месечни хонорари и скапи журки по елитни хотели во Дубаи, неврохирургот на Заев, Филипче и потрчкото Каранфилова Пановска ќе им објаснат на јавноста дека се грижат за потребите на граѓаните и дека ќе креираат политики за доброто на државата? Освен ова, Каранфилова Пановска не може да биде ново лице, затоа што таа е дел од луѓето коишто работеа да го донесат Зоран Заев на власт, кој пак е причината за катастрофалниот пад на СДСМ, но и за назадувањето на Македонија. Каранфилова Пановска е уште една продолжена рака на Заев. Сите лица во сегашното раководство на СДСМ се продолжение на партијата од периодот на владеење на Заев, кога на Македонија ѝ донесе многу национални порази. Во СДСМ ништо не е сменето, а најмалку Заев“, соопшти ВМРО-ДПМНЕ.