Караџовски во контрола на Собранието пред враќањето на пратениците во сала „Македонија“

Комисијата за заразни болести денеска била во контрола на Собранието за да види дали пленарните седници може да се вратат по старо, односно пратениците да заседаваат во салата „Македонија“, откако претседателот на Парламентот Талат Џафери ја најави таа можност по вакцинирањето на пратениците.

„Денес имав средба со претседателот и претставниците на Комисијата за заразни болести кои што извршија контрола на салите и помошните простории, за да се констатира дали се исполнети сите услови Собранието да почне да ги одржува пленарните седници во Сала Македонија, со почитување на мерките за заштита од ковид -19, согласно новите препораки на Владата, откако службата, пратениците, обезбедувањето и другите секојдневно присутни во Собранието го завршија процесот на имунизација. Со верба дека законодавниот дом ги исполнува препорачаните услови за работа, ќе го очекуваме позитивниот одговор на Комисијата за заразни болести“, напиша Џафери на Фејсбук.