Караџовски: Ни се удри како бумеранг непочитување на мерките од празникот Рамазан Бајрам и ифтарските вечери

Тоа што се случуваше по 26 мај, согласно епидемиолошките анкети, се должи на тотално непочитување на одредени превентивни мерки, а што ни се удри како бумеранг заради непочитување на мерките за време на верскиот празник Рамазан Бајрам и ифтарските вечери кои се случуваа тој период –  рече д-р Жарко Караџовски, претседател на Комисијата за заразни болести денеска на прес конференција во Владата.

Tој додаде kако што гледамe од тој период бројот на заболените почнува да се зголемува.

– Веднаш да ве потсетам епидемиолошки дека бројките 52, 62, 89 и 100 нови случаи со ковид-19 не се на денот Рамазан Бајрам, туку тоа се на деновите наназад што биле, за кои ве учев неколку пати – инкубацијата на овој вирус е од 1 до 14 дена, просечно 5,7 дена. Значи овие бројки се однесуваа на седум до 10 дена наназад кога имавме непочитување на овие мерки, а коишто беа дадени во препорака на јавноста за да се почитуваат. Како што гледате, вториот бран ни се појави сега – појасни д-р Караџовски.

Toj рече дека најмногу заболени се постари од 60 години, а просечна возраст на заболените е 44,8 години, а најмногу заболени и умрени од корона вирусот се на возраст од 50 до 55 години.

За порастот на бројот на заболени откако попуштија мерките, д-р Караџовски изјави:

– Значи една ссстојба кога цела Европа ги попушти мерките и ние тоа го направивме,  очекувајќи дека ќе се почитуваат, а крајно сум разочаран што мерките – носењето заштитни маски и држењето дистанца не се почитуваа! – рече тој.