Караџовски: Даваме можност луѓето малку да олабават, но нема да дозволиме народ по 22 часот да се групира на седенки, во паркови

Предложивме полицискиот час да е од 22 до 5 часот, за да дадеме можност малку да олабават луѓето,   а по којзнае кој пат кажувам – носете маски и држете дистанца! А 20 отсто од граѓаните не веруваат во мерки, ниту дека постои вирусот, мислат дека  е измишљотина и завера – одговори д-р Жарко Караџовски, претседател на Комсијата за заразни болести во врска со тоа зошто за полицискиот час  е предложено да почне од 22 часот.

Одлука за полициски час се уште нема, а д-р Караџовски додаде:

-Тоа е само предлог за 22 часот, а можеби Владата ќе го тргне, а тој тајминг е даден зашто денот е подолг,  се смрачува подоца, а луѓето се до 17, 18 чсот на работа. Па за, да имаат мсжност да  испазаруваат за 2- 3 часа. Но, нема да дозволиме народ по 22 часот да се групира на седенки, у парк, во населено место нема да дозволиме  близок контакт на седенки по клупи, а дали мерката ќе  се почитува во 22 или во 18 часот – битно е да се почитуваат заштитните мерки – појасни д-р Караџовски, кој рече дека како доктор не верува дека со забраната за движење од 22 часот ќе се намали ширењето на вирусот, но нагласи дека целта е да се спречат групирањата навечер и ризикот од пренос на вирусот да биде помал.