КАНДИДАТОТ БИЛ ЗА ВО ПЕНЗИЈА, АМА ДОБИЛ ШАНСА ДА СЕ ИСТАКНЕ КАКО СЛУЖБЕНИК Кривична пријава против градоначалникот на Делчево 

Kривична пријава е поднесена против градоначалникот на Делчево, Горан Трајковски (54) поради основи на сомнение за сторено кривично дело „злоупотреба на службената положба и овластување“.

Пријавениот Трајковски, на 01.08.2018 по јавен оглас од 25.06.2018 за вработување на административен службеник, ја злоупотребил својата службена положба и овластување со тоа што донел незаконска одлука за избор на кандидатот В.М. од Делчево. Кандидатот В.М. уште во првата фаза од постапката за вработување, како и во моментот на донесување на решението за стекнување на статус на административен службеник ги исполнувал законските услови да се стекне со право на пензиско и инвалидско осигурување со навршени 64 години старост. Таа возраст е основа за престанок на работен однос на административен службеник, а не основа за вработување согласно член 98 став 1 алинеа 3, а во врска со член 98 став 5 алинеја 9 и 10 од Законот за административни службеници.

Со незаконското вработување пријавениот Г.Т. му овозможил на В.М. да се стекне со противправна имотна корист од 505.561 денари на име плата и да нанесе штета на Општина Делчево во износ од 762.318 денари по основ на исплатени придонеси и плата.

Кривичното дело е казниво по член 353 став 3 во врска со став 1 од Кривичниот законик.