КАНЈЕ ВЕСТ ТВРДИ ДЕКА БЈАНКА ЦЕНСОРИ ГО НАПУШТИЛА „Мојата драга побегна, те молам врати ми се“

Контроверзниот рапер и дизајнер Канје Вест се раздели од сопругата Бјанка Ценсори по две години брак, потврди раперот во својот нов, многу контроверзен сингл „BIANCA“ од неговиот нов албум „WW3“, пишува британски „Мирор“. Во текстот на песната, тој тврди дека Бјанка „побегнала“ откако се обидела да го „хоспитализира“.

Ова се стиховите: „Мојата драга побегна/Но прво се обиде да ме натера да одам на лекување/Нема да одам во болница затоа што не сум болен, само не ми е јасно“.

Канје исто така споменал и дека Бјанка има напади на паника и дека ѝ пречи тоа го пишува на социјалната мрежа Икс.

„Има напад на паника и не ѝ се допаѓа начинот на кој твитав/Додека не се врати Бјанка, ќе бидам буден цела ноќ, нема да спијам/Навистина не знам каде е“, напишал тој во песната што ја објави во четвртокот.

Тој, исто така, преку песната откри и дека сфатил дека Бјанка го оставила следејќи ја нејзината локација преку апликација. Во песната тој зборуваше и за нејзиното семејство. „Тие сакаат да одам на лекување/Тие сакаат да побегнам“, додал Канје.

Канје ја спореди врската со Бјанка со онаа на Шон Диди Комбс и неговата поранешна девојка Кеси Вентура.

„Изгледа дека сме новите Кеси и Диди/Јас ја правам оваа песна за Бјанка“, рекол тој во текстот, завршувајќи ја песната со: „Бјанка, само сакам да се вратиш/Врати ми се/Знам што направив за да те налутам“.