Канје стана најбогатиот Афроамериканец во историјата: Вреди повеќе од Опра и Џордан

Американскиот пејач и претприемач Канје Вест (43) ја зголеми вредноста на своето богатство на 6,6 милијарди долари, според последните информации на Блумберг.

Со ова, Канје стана најбогатиот Афроамериканец во светот, а и во историјата, надминувајќи ги Опра и нејзините 3,5 милијарди долари (22 милијарди долари), Мајкл Џордан и неговите 2,2 милијарди долари (14 милијарди долари) и Роберт Ф. Смит и неговите 6, 5 милијарди долари (41 милијарда долари).

Во ова време минатата година, Канје ја проби магичната марка на милијарда долари, за да ја зголеми за повеќе од пет пати оваа година.

Одличните деловни потфати што ги постигна со неговиот бренд „Yeezy“ во последните години имаа најголемо влијание врз растот на неговото богатство.

Неодамнешниот договор на „Yeezy“ со „Gap“ и „Adidas“ ја зголеми вредноста на богатството за 4,7 милијарди долари. Бидејќи Канје е единствениот сопственик на компанијата, оваа сума се додава на неговата лична нето-вредност од 1,9 милијарди долари.

И покрај неуспешната претседателска кампања, падот на рејтингот како музичар и распадот на неговиот брак со Ким Кардашијан, Канје успешно се движи низ претприемачките води. Речиси сигурно, со овие амбиции, неговото богатство ќе продолжи да расте.