КАМПАЊА „ПАРКИРАЈ СОВЕСНО И ОДГОВОРНО“ Време е за подигнување на јавната свест за одговорно учество во сообраќајот

Потребата за паркинг места е сѐ поистакната заради континуираниот пораст на бројот на моторни возила во РСМС, зголемениот број на жители во населените места и модерните навики на луѓето за почесто користење на индивидуално моторно возило наместо јавен превоз или разни форми на одржлива мобилност (пешачење, возење велосипед и сл.).

Ова во писмено соопштение, денеска го наведе Републичкиот совет за безбедност во сообраќајот на патиштата, од каде посочуваат дека кога паркирањето не е регулирано, може да предизвика низа неповолности за возачите.

– зголемен стрес кај возачите,

– продолжено време за пристигнување на посакуваната дестинација,

– зголемени трошоци,

– нарушување на просторот наменет за пешаци,

– узурпирање на зелени површини,

– запирање и паркирање на места наменети за инвалидизирани лица,

– повреди на законските регулативи,

– можни казни за возачите и сл.

Заради унапредување на состојбата со паркирањето и зголемување на безбедноста на сообраќајот, РСБСП повикува:

– паркирајте го возилото на места означени за тоа,

– не користете мобилен телефон додека паркирате,

– во паркинг просторот возете забавено и внимавајте на другите возила и пешаците,

– внимавајте на сообраќајните знаци кои се однесуваат на паркирањето,

– не паркирајте на места обележани за паркирање на возила на лица со попреченост,

– не паркирајте преку обележаните ленти за паркирање – почитувајте го просторот за секое возило, и др.

РСБСП упатува апел: „ПАРКИРАЈТЕ СОВЕСНО И ОДГОВОРНО“ заради унапредување на вашата и безбедноста на другите учесници во сообраќајот на патиштата.