📷 КАМЕРОН ДИЈАЗ СЕ ВРАТИ ПО 10 ГОДИНИ, ВООПШТО НЕ СЕ ПРОМЕНИЛА Актерката има 52 години, сите ѝ завидуваат на изгледот 

Актерката Камерон Дијаз присуствуваше на промоцијата на филмот „Back in Action“ во кој ја игра главната женска улога. Покрај неа, во филмот игра и Џејми Фокс.

Може да се каже дека за свечената пригода облекла чиста елеганција.

Како што пишува „Дејли мејл“, Камерон се вратилa на големото платно по 10-годишна пауза и тоа во голем стил.

Таа за големиот настан облече струкирано одело, а изгледот го комплетираше со брановидна фризура, минимална шминка и со нејзиниот заштитен знак – блескавата насмевка.

Ниту еден стајлинг не може без соодветни додатоци, а овој не е исклучок. Холивудската убавица паметно ги одбрала своите аксесоари, а својот златен часовник и ланче одлично го усогласила со останатиот аутфит.

Треба да се напомене дека дел од големата промоција беше и актерот Џејми Фокс. Тој исто така глуми во споменатиот филм, заедно со Камерон Дијаз.