КАКВА ОЛУЈА ЈА ПОТОПИ ЛИБИЈА? Медитеранскиот ураган има разорна сила
Нејзините ефекти вклучуваат разбранувано море, налети на ветер, во некои случаи поголеми од 80 км/ч и количество дожд какво што вообичаено паѓа во неколку години
Олујата што донесе сериозни поплави во Либија започна пред повеќе од една недела како бурата Даниел над Грција. Донесувајќи рекордни количества дожд за неколку дена и големи поплави во делови од источна Грција, полека се движеше кон југ преку Медитеранот.
Со температурите во источниот Медитеран над нормалата за тоа време од годината, олујата ја поврати силата и доби повеќе влага пред да се упати кон либискиот брег. Накратко стана она што метеоролозите го нарекуваат „медикан“ или „медитерански ураган“.
Нејзините ефекти вклучуваат разбранувано море, налети на ветер, во некои случаи поголеми од 80 км/ч и количество дожд какво што вообичаено паѓа во неколку години
Во 24 часа помеѓу 8 часот наутро во неделата и 8 часот наутро во понеделникот, Универзитетот Омар Ал-Мухтар во Бајда забележал 414 мм дожд, а североисточниот град Марава добил 240 мм. За споредба, блискиот град Бенгази, кој е тешко погоден од поплави, има годишен просек од 270 мм.
The devastating Medicane that hit #Libya deadly flooding, can be seen in Met-11 imagery as it made landfall, via Jochen Kerkmann #LibyaFloods pic.twitter.com/VLXFcBbd3j
— EUMETSAT Users (@eumetsat_users) September 12, 2023