Како најмалата банка оствари позитивни резултати и покрај коронакризата?

Според информациите кои беа објавени на Македонската берза, во периодот од 1.1.2020 до 30.6.2020 година, преку своето редовно оперативно работење, ТТК Банка успеа да генерира позитивен нето-оперативен приход пред исправките на вредност во износ од 61,2 милиони денари.

Тоа е резултат на остварените оперативни приходи во износ од 220,1 милиони денари и остварените оперативни трошоци во износ од 158,8 милиони денари.

„Во истиот период, исправката на вредноста на финансиските средства на нето основа изнесува 30,6 милиони денари. Финансискиот резултат за периодот јануари – јуни 2020 година изнесува 30,5 милиони денари (495.000 евра), што е за 26,2 милиони денари или 46,2 % понизок во однос на истиот период минатата година, како резултат, во најголем дел, од пониска капитална добивка од продажба на преземeни средства како и од падот на пазарната цена на портфолиото за тргување во изминатиов период – велат од банката.

Оттаму додаваат во споредба со Финансискиот план за 2020 година, кој е во согласност со првичните согледувања за последиците што ќе ги предизвика светската пандемија предизвикана од вирусот ковид-19, остварениот финансиски резултат го надминува очекуваниот резултат за 28,8 милиони денари.