КАКО МОЖЕ ДА СЕ УРНЕ НАЈМОДЕРНИОТ АВИОН ВО СВЕТОТ? Пилотите извикале „Мејдеј“ пo кобното полетување

Не е вообичаено „најнапреден“ авион да се сруши при полетување, но безбедноста на летот мора да се земе предвид, вели експертот за авијација Џулијан Бреј за Скај Њуз во врска со уривањето на авионот Боинг 787-8 Дримлајнер по полетувањето од Ахмедабад.

Според Хиндустан Тајмс се претпоставува дека бројот на загинати во ужасната несреќа пораснал на најмалку 120 од првичната бројка од 30. Вкупно 242 патници беа на ави0нот.

– Она што ме загрижува е дека, ако ова се случило кога авионот штотуку полетувал, навистина треба да ја разгледаме безбедносната страна на ова и да утврдиме дали имало некаква злонамерна намера. Бидејќи во основа, авионите денес всушност летаат речиси сами, па не требало да има никакви проблеми при полетувањето, особено не со Дримлајнер кој има прилично добра евиденција – истакна Бреј, додавајќи дека се потребни повеќе детали, но тие ќе бидат познати денес.

Според Бреј, пилотот успеал да упати „Мејдеј“, повик за помош, што значи дека екипажот бил свесен за проблемот пред несреќата. Таквиот повик е меѓународно признат сигнал за помош што се користи во радио комуникациите, што укажува на непосредна опасност и потреба од итна помош.

Авионот што се урна беше Боинг 787 Дримлајнер, двомоторен широк трупен авион. Моделот има направено повеќе од пет милиони патувања во 14-те години од својот прв патнички лет, според веб-страницата на Боинг.

Според „Флајтредар“, повеќе од 1.000 од овие авиони се доставени до десетици авиокомпании.

Во несреќата загинаа Индијци, Британци, Португалци и Канаѓанец. Во авионот на „Ер Индија“, кој бил на пат за Лондон имало 169 индиски државјани, 53 британски државјани, 7 португалски државјани и 1 канадски државјанин, вели извор за западнуите медиуми.

Авионот се урна во зграда која е хостел за лекари, потврди портпаролот на полицијата Џаипал Синг Раторе.