КАКО БЕБИЊАТА СЕ СПРАВУВААТ СО ЕКСТРЕМНАТА ТОПЛИНА? Што треба да преземеме за да ги заштитиме најмалите?
Деновиве, кога термометарот е речиси на црвено, бремените жени, постарите лица и бебињата имаат најмногу проблеми. Тие имаат потреба од посебна грижа, за да можат што е можно полесно да се справат со екстремната топлина.
Експертите велат дека екстремната топлина може да биде опасна за бебињата, но само ако не пијат доволно течности и ако нeмаат адекватна нега.
Со оглед на тоа што бубрезите на бебето, кои ја регулираат размената на течности во телото, сè уште не се доволно развиени во првите денови од животот, телото не треба да се преоптоварува со прекумерни количини течности. Но кога температурите се многу високи, како што е случај периодов, важат други правила.
Како да го хидрирате бебето?
Иако упатствата наведуваат дека мајчиното млеко и адаптираното млеко ја задоволуваат потребата од течности, постојат мајки кои, следејќи ги советите (најчесто) на постарите членови на семејството, но и на некои здравствени работници, им даваат на своите бебиња дополнителна вода или чај.
Сепак, во лето, кога температурите надвор се над 30, речиси 40 степени Целзиусови, не е погрешно да му се понуди вода на детето во првите шест месеци, помеѓу хранењата. Нема ништо лошо во тоа.
Повеќе за ова на порталот „Мајка и дете“.