КАДЕ САКАЛ ДА ГИ ПРОДАВА? Камионџија се обиде да прошверцува 72 штеки цигари, цариниците му подготвуваат пријава
Штеките со цигари се одземени, а против лицето се води соодветна постапка.
Царинската управа спречи криумчарење на 72 штеки цигари што македонски државјанин без да ги пријави сакал да ги внесе во Македонија преку граничниот премин Богородица. Вкупната вредност на штеките цигари изнесува 167.588 денари при што вкупните давачки што лицето сакало да ги избегне изнесуваат 113.228 денари, информираат од Управата.
Како што информираа од Царината штеките цигари биле скриени во кабината на камионот со кој управувало лицето. Цигарите биле скриени зад тапацирот во фабричката шуплина наменета за изолација на кабината.
Штеките со цигари се одземени, а против лицето се води соодветна постапка.
Царинска управа во рамки на своите надлежности спроведува активности за заштита на финансиските интереси на државата и сузбивање на нелегалната трговија.