ПРИТВОРЕН ВРАБОТЕН НА СЗО ВО ГАЗА, ОРГАНИЗАЦИЈАТА РЕАГИРАШЕ Израелската армија ги испрашувала вработените во главното складиште
Машкиот персонал и членовите на семејствата беа врзани со лисици, соблечени, испрашувани на самото место и прегледани под закана со оружје, истакна генералниот директор на Светската здравствена организација. Организацијата бара ослободување на вработен кој бил притворен по претресите на армијата.
Главната резиденција на персоналот на Светската здравствена организација во Газа и главното складиште биле трипати нападнати од Израелската армија информираше генералниот директор на СЗО, Тедрос Гебрејсус.
Организацијата во официјална објава на Икс бара ослободување на вработен кој бил притворен по претресите на армијата.
„Израелската војска влезе во објектите, принудувајќи ги жените и децата да се евакуираат пеш кон Ал-Маваси среде активен конфликт“, се вели во соопштението на СЗО.
Понатаму, се додава:
„Машкиот персонал и членовите на семејствата беа врзани со лисици, соблечени, испрашувани на самото место и прегледани под закана со оружје. Двајца вработени во СЗО и двајца членови на семејствата беа приведени. Тројца подоцна беа ослободени, додека еден вработен останува во притвор“.
WHO operations compromised following attacks on warehouse and facility sheltering staff and families in Gaza
WHO condemns in the strongest terms the attacks on a building housing WHO staff in Deir al Balah, in the middle area of Gaza, the mistreatment of those sheltering there,… pic.twitter.com/CWe68tNiX9
— World Health Organization (WHO) (@WHO) July 21, 2025
Според СЗО, Израелската армија уапсила четири лица, од кои три биле пуштени.
– Машкиот персонал и членовите на семејствата беа врзани со лисици, соблечени, испрашувани на самото место и прегледани под закана со оружје – истакна Гебрејесус.
Првиот човек на СЗО информираше и дека во напад било оштетено и главното складиште на СЗО. Во објектот одекнале експлозии и избувнал пожар.
– Како водечка агенција за здравство, компромитирањето на операциите на СЗО ја осакатува целокупната здравствена реакција во Газа. Прекинот на огнот не е само неопходен, туку е и одамна задоцнет – изјави Тедрос.
Израелската армија првично не ги коментираше инцидентите.
Војската влегла во југозападниот дел на Деир ал-Балах во вчера наутро за да се бори против палестинската милитантна организација Хамас. Претходно армијата повика илјадници Палестинци да ги напуштат погодените населби во правец на Ал-Маваси.
Израел претходно се воздржа од воени акции во Деир ал-Балах, бидејќи постоеше сомнеж дека таму се наоѓаат заложници киднапирани од Хамас.
Ал-Маваси во југозападниот дел на конфликтната област претходно во војната беше означена од Израел како „хуманитарна зона“. Меѓутоа, израелската војска оттогаш повеќе пати нападнала и таму.