📽️ ИЗРАЕЛЦИ ГАЗЕЛЕ ПАКЕТИ СО ХРАНА ЗА ГАЗА Демонстранти запреле камион кој носел хуманитарна помош и сѐ уништиле

Вчера израелските демонстранти блокираа камиони со хуманитарна помош за Газа, фрлаа пакети со храна на патот и уништија вреќи со жито.

Камионите, кои беа запрени на контролниот пункт Таркуми западно од Хеброн, дојдоа од Јордан и беа на пат кон Појасот Газа каде на луѓето очајно им е потребна хуманитарна помош.

Групата, за која се вели дека стои зад демонстрациите, рече дека протестира против израелското земање заложници во Газа. Снимките споделени на социјалните мрежи покажуваат како демонстрантите фрлаат кутии од камиони и ги газат.

Се појавија и видеа на кои се гледа дека камионите биле запалени синоќа. Автентичноста на овие снимки не е потврдена.

 

Israeli right wing activists blocked aid trucks which were on their way to Gaza today at the Tarqumiya crossing in the West Bank pic.twitter.com/fUd3ywuDbr

— Barak Ravid (@BarakRavid) May 13, 2024

Според пишувањата на израелските медиуми, протестот бил организиран од групата „Цав 9“. Медиумите пишуваат дека станува збор за десничарска група која се обидува да го спречи испраќањето хуманитарна помош во Газа додека не бидат ослободени и последните израелски заложници.

Една од демонстрантите изјави за новинската агенција АФП дека била на контролниот пункт бидејќи слушнала дека камиони со хуманитарна помош се „на пат кон Хамас, кои се обидуваат да убијат војници и други израелски граѓани“.

Хана Гиат (33) рече дека „не смее да оди храна во Газа“ додека израелските заложници не бидат вратени „здрави и живи“.

Во изјавата цитирана од „Jerusalem Post“, „Цав 9“ отфрли некои од акциите на демонстрантите. Тие наведуваат дека денеска се направени дела кои не се во согласност со вредностите на нивното движење.

 

💔🇵🇸Aid and trucks heading to Gaza were burned at the Tarqumiya Crossing by terrorist Ben Gvirs thugs. pic.twitter.com/9989hPkdqL

— Moe (@Moet2030) May 13, 2024

Сепак, се додава дека блокирањето на камионот е ефективен и практичен чекор, велејќи дека „никаква помош нема да помине додека не се вратат последните заложници“.

На протестите се уапсени четворица демонстранти, меѓу кои и малолетник, велат нивните адвокати.

Американскиот советник за национална безбедност Џејк Саливан рече дека однесувањето на демонстрантите е „целосно и крајно неприфатливо“ и дека Белата куќа ја изразува својата загриженост „на највисокото ниво на израелската влада“.

 

Israeli settlers throwing and destroying humanitarian food supplies carried by aid trucks destined to Gaza (at the Tarqumiya checkpoint near Hebron). pic.twitter.com/g0bQjVMDJY

— Rafiq Husseini (@rafiq_husseini) May 13, 2024