ИЗРАЕЛ ПОТВРДИ ПО ДНК АНАЛИЗАТА Лидерот на Хамас Јахја Синвар е мртов
Како што јавува Би-Би-Си, израелскиот министер за надворешни работи, Израел Кац, испратил приватни пораки до десетици колеги ширум светот во кои потврдил дека Синвар е убиен.
Израел им потврди на американските власти дека лидерот на Хамас Јахја Синвар е мртов, додека министерот за надворешни работи им кажал на многу свои колеги.
Тие тврдења се засноваат на првично ДНК тестирање, изјави лице блиско до истрагата, пренесува Си-Ен-Ен.
Како што јавува Би-Би-Си, израелскиот министер за надворешни работи, Израел Кац, испратил приватни пораки до десетици колеги ширум светот во кои потврдил дека Синвар е убиен.
Тој изјавил дека лидерот на Хамас бил убиен денеска од израелски војници, опишувајќи го како „мозок зад масакрите и злосторствата“ на 7 октомври.
– Ова е значајно воено и морално достигнување за Израел и победа за целиот слободен свет против оската на злото на радикалниот ислам предводена од Иран. Отстранувањето на Синвар отвора можност за итно ослободување на заложниците и го отвора патот за промена која ќе доведе до нова реалност во Газа – без Хамас и без иранска контрола – рече Кач.
Синвар го води Хамас во Газа од 2017 година, откако се приклучи на неговите редови во раните 1980-ти.
Итен состанок на ПЛО по смртта на лидерот на Хамас
Претседателот на палестинската управа Махмуд Абас претседава со итен состанок на Извршниот совет на Палестинската ослободителна организација на кој ќе се разговара за тековните случувања по убиството на лидерот на Хамас, Јахја Синвар, објави саудискиот канал Ал-Хадат.