🎥 ИЗРАЕЛ И САД ГО НАПАДНАА ИРАН Техеран се подготвува за одмазда
Утрово во Техеран се слушнаа 3 експлозии.
Израел објави дека почнал превентивен напад врз Иран, туркајќи го Блискиот Исток во нов воен конфликт и дополнително намалувајќи ги надежите за дипломатско решение на долготрајниот нуклеарен спор на Техеран со Западот, објавија светските агенции.
Нападот, кој следеше по 12-дневната воздушна војна меѓу Израел и Иран во јуни, доаѓа по повторените предупредувања од САД и od Израел дека повторно ќе нападнат доколку Иран продолжи со своите нуклеарни и балистички ракетни програми.
– Државата Израел почна превентивен напад врз Иран за да ги елиминира заканите за Израел – рече министерот за одбрана Израел Кац.
Утрово (сабота, 28 февруари) во Техеран се слушнаа експлозии, објавија иранските медиуми. Медиумите известуваат за 3 експлозии и два густи облаци чад.
Fumée au-dessus de Téhéran : #Israel a frappé l’#Iran, alors que #Trump met la pression.
Un travail coordonné – formellement, ce ne sont pas les #USA, qui ont frappé … pic.twitter.com/71c7OC39dt— Karine Bechet (@bechetgolovko) February 28, 2026
– Операцијата на Израел во Иран е координирана со САД, Операцијата беше планирана со месеци, а нејзиниот датум беше одреден пред неколку недели – изјави неименуван израелски функционер за британската агенција Ројтерс.
Ројтерс, исто така, објави дека врховниот лидер на Иран, ајатолахот Али Хамнеи, не е во Техеран и е префрлен на безбедна локација.
Ataques contra Irán: Lo que se sabe hasta ahora
El hecho del ataque.
En la mañana del 28 de febrero, Israel anunció un “ataque preventivo con misiles” contra territorio iraní, que el ministro de Defensa, Israel Katz, calificó como un ataque “para eliminar las amenazas a Israel”. pic.twitter.com/zSC8w7mXJM— aapayés (@aapayes) February 28, 2026
Мобилните телефонски врски се прекинати во Техеран, а интернетот е делумно прекинат.
Израел го затвори својот воздушен простор за цивилни летови, а истото го стори и Техеран.
Иран се подготвува да возврати по нападите, изјави официјален претставник од Техеран за Ројтерс.
– Одговорот ќе биде катастрофален – изјавил тој.
Израелската влада прогласи вонредна состојба поради очекуваната иранска одмазда со беспилотни летала и балистички ракети.