📽️ ИЗРАЕЛ ГАЃАШЕ 100 МЕСТА ВО ЛИБАН ВО ЖЕСТОК НАПАД Според Нетанјаху примирјето не важи за северниот сосед
Израел изврши масовни напади врз повеќе од 100 цели во Либан за само десет минути, при што беа погодени и густо населени делови на Бејрут и други региони. Либан пријавува цивилни жртви, вклучително и деца, додека Нетанјаху тврди дека примирјето кое го постигнаа САД и Иран не се однесува на Либан.
Серија координирани и интензивни воздушни напади го погодија Либан, при што за само десет минути биле гаѓани повеќе од 100 локации, а бројот на загинати и повредени расте од час во час.
Нападите се случија неколку часа по најавата за двонеделен прекин на огнот меѓу САД и Иран. Пакистанските посредници посочија дека договорот треба да го опфати и Либан.
Но, израелскиот премиер Бенјамин Нетанјаху изјави дека Либан не е дел од примирјето.
Хезболах сè уште не ги коментираше израелските напади. Милитантната паравојска претходно се придржуваше до примирјето.
„100 локации погодени за 10 минути“
Израелската армија соопшти дека станува збор за најголемиот координиран напад од почетокот на офанзивата. Во рок од десет минути биле погодени повеќе од 100 цели поврзани со Хезболах.
Меѓу нив се командни центри и инфраструктура што, според армијата, се користела за напади врз израелски цели.
Нападите биле изведени во Бејрут, долината Бека и јужен Либан.
Apocalyptic scenes in Lebanon’s capital right now.
Israel has launched 100 airstrikes on Lebanon in 10 minutes.
Striking South Lebanon, Beirut and the Bekaa Valley simultaneously.
This isn’t a ceasefire.
It’s mass bombardment of civilian areas. pic.twitter.com/ygTf2Pscrn
— sarah (@sahouraxo) April 8, 2026
Центарот на Бејрут под силен удар
Воздушните напади погодиле најмалку три локации во центарот на Бејрут, вклучително и област во близина на крајбрежното шеталиште. Станува збор за едни од најобемните напади врз овој дел од градот во последните децении.
За разлика од други операции, овојпат беа погодени густо населени станбени области во главниот град на Либан.
Снимките покажуваат урнати објекти и густ чад што се издигнува над градот, додека сирените за итни случаи одекнуваат без прекин.
🚨BREAKING:
🇱🇧🇮🇱 Heavy bombing reported across multiple locations in Beirut.
We’ll update as more comes in. https://t.co/BTKnsemkwj pic.twitter.com/C0nIZugkEz
— Mario Nawfal (@MarioNawfal) April 8, 2026
Три девојчиња убиени, напад врз погреб
Либанскиот Црвен крст соопшти дека повеќе од 100 амбулантни возила се распоредени на терен и ги транспортираат повредените кон болниците. Според Либанската Национална новинска агенција 3 девојчиња загинале во напад врз крајбрежниот град Адлун.
Станува збор за дел од десетици синхронизирани напади низ земјата, во кои има голем број жртви.Во одделен напад, израелски авиони погодиле гробишта во селото Шместар во долината Бека.
Најмалку десет лица загинале, а уште четири биле ранети за време на погреб. Спасувачките екипи и медицинските тимови и натаму се на терен.
100 سيارة اسعاف للصليب الاحمر اللبناني تستجيب حاليا في المناطق المستهدفة وتعمل فرقه على نقل المصابين الى المستشفيات. pic.twitter.com/cbVxgQHS8r
— Lebanese Red Cross (@RedCrossLebanon) April 8, 2026
„Убиени се цивили во станбени зони“
Либанскиот министер за здравство Ракан Насередин изјави дека има стотици мртви и ранети.
– Израел продолжува да ги проширува нападите врз густо населени станбени области, убивајќи невооружени цивили – изјави премиерот Наваф Салам.
Тој ги повика „сите пријатели на Либан“ да реагираат и да ги запрат нападите со сите расположиви средства.
Либанските медиуми јавуваат дека во напад врз Сидон се убиени најмалку осум лица, додека 22 се ранети. Од почетокот на конфликтот, според либанските власти, загинале над 1.500 луѓе, а повеќе од 4.800 се ранети.