ИЗГОРЕ НЕПОДВИЖНА ЖЕНА Пожар во стан во Аеродром во Скопје
Скопската Противпожарна бригада вечерва изгасна пожар во стан во нова зграда на улица „Методиј Шаторов-Шарло“ во Аеродром, во кој загинала повозрасна неподвижна жена.
Командантот на Противпожарната бригада Владимир Симоновски за МИА изјави дека пожарот го зафатил делот со креветот каде лежела жената, која била сама во станот и поради тешката здравствена состојба не можела да побегне.
Од МВР информираат дека околу 21 часот полицијата добила пријава за пожар во стан на улицата Методија Шаторов – Шарло, сопственост на М.Ш.(1955), која била во станот и починала.
Можеби ќе ве интересира
– Од страна на лекар во 21:30 часот е констатирана смрт. Пожарот е изгаснат од страна на БППЗ. По наредба на Јавен обвинител телото е предадено на судска медицина за обдукција – велат за МИА од МВР.
Екипа на Министерството за внатрешни работи и Јавен обвинител вршат увид во опожарениот стан кај починатата.