ИЗДРОГИРАН ОХРИЃАНЕЦ СО ПИШТОЛ МУ СЕ ЗАКАНУВАЛ НА РОДНИНА Барал да добие возило и да го вработат
СВР Охрид соопшти дека откако пријавителот ветил дека ќе ги исполни барањата на А.И., заедно се упатиле кон фирмата на пријавителот, при што тој успеал да побегне и случајот го пријавил во полиција.
Охриѓанец со пиштол му се заканувал на свој роднина барајќи од него да му го припише неговото возило и да добие вработување во неговата фирма, информираше Министерството за внатрешни работи.
„Според пријавителот, инаку во роднинска врска со пријавениот, на 31.03. 2025 околу 21 часот А.И. дошол во домот на пријавителот и со пиштол, под закана го држел и физички го нападнал, барајќи од него да му препише во сопственост патничко возило и да добие вработување во фирмата на пријавителот. При тоа, консумирал и бела прашкаста материја“, се вели во полицискиот билтен.
СВР Охрид соопшти дека откако пријавителот ветил дека ќе ги исполни барањата на А.И., заедно се упатиле кон фирмата на пријавителот, при што тој успеал да побегне и случајот го пријавил во полиција.
Полицијата го уапсила А.И. и во неговиот стан и во други простории кои ги користел пронашла пиштол, кеси со семки од канабис, остатоци од канабис, една дробилка, предмети со остатоци од бела прашкаста материја и друго, се вели понатаму во соопштението.
Против А.И. ќе биде поднесена пријава за „противправно лишување од слобода“ и „изнуда“.