ИЗБЕГНАТА ТРАГЕДИЈА НА НЕБОТО НАД СКОПЈЕ 2 авиона за малку ќе се судреле
Нејасно е зошто двата авиона се нашле на иста височина во исто време и дали станува збор за погрешни инструкции на контролата за летање или, пак, е грешка на пилотот.
На 7 септември, над Меѓународниот аеродром во Скопје, се случи инцидент во воздухот кога 2 авионa се нашле на иста висина и за малку ќе се судреле. Едниот авион бил на летот ТК1358 на „Туркиш ерлајнс“, кој летал од Мадрид до Истанбул, додека, пак, другиот бил на летот за Лондон на „Санекспрес“, јави СДК.
Инцидентите во воздухопловството секогаш предизвикуваат интерес и загриженост. Воздухопловните власти сега го испитуваат случајот. Нејасно е зошто двата авиона се нашле на иста височина во исто време и дали станува збор за погрешни инструкции на контролата за летање или, пак, е грешка на пилотот.
Агенцијата за цивилно воздухопловство (АЦВ) потврди дека постапува по наводите дека за малку ќе се судреле 2 авиона на небото над Скопје на 7 септември.
Според правилата на авиосообраќајот, меѓу авионите треба да има 2.000 стапки вертикална далечина. Во овој случај, 30 секунди пред да се разминат, авионите биле на иста височина од 36.000 стапки, но потоа едниот се кренал на 36.325 стапки, а другиот се спуштил на 35.475 стапки. Среќата била на нивна страна, но ова е прилика да се прегледаат процедурите и безбедносните мерки.