📷 ИВАНКА ТРАМП ГО ПРЕКИНА МОЛКОТ Таа откри што мисли за врската помеѓу поранешната снаа и Тајгер Вудс
Врската помеѓу веројатно најдобриот голфер на сите времиња, Тајгер Вудс (49) и Ванеса Трамп, поранешната сопруга на Доналд Трамп помладиот, најстариот син на американскиот претседател, е една од централните теми во светот на шоубизот.
Врската помеѓу веројатно најдобриот голфер на сите времиња, Тајгер Вудс (49) и Ванеса Трамп, поранешната сопруга на Доналд Трамп помладиот, најстариот син на американскиот претседател, е една од централните теми во светот на шоубизот.
View this post on Instagram
Откако Тајгер и Ванеса ја открија својата врска објавувајќи две заеднички фотографии на Инстаграм, следеа бројни реакции. Реагираа и славните, меѓу кои и рапер Снуп Дог, но и бројни други познати личности.
Сигурно еден од најинтересните коментари беше оној на Иванка Трамп (43), помладата сестра на поранешниот сопруг на Ванеса, која прва реагираше од семејството Трамп.
„Многу сум среќна за вас двајца“, напиша Иванка покрај фотографијата од прегрнатите Тајгер и Ванеса.
Иванка и Ванеса беа блиски и беа фотографирани на настани во кампањата кога Доналд Трамп првпат се кандидираше за претседател во 2016 година. Ќерката на претседателот Трамп дури еднаш ја нарече Ванеса „Чудесна жена“ поради нејзините способности како мајка.
Во интервјуто за „Пипле“ во 2016 година, Иванка изјавила: „Мојата снаа Ванеса е вистинска машина. Таа може да се грижи за сите деца без да го сфаќа тоа како напор. Има пет деца и за мене е чудесна жена. Таа може да се грижи за сите истовремено, секое има своја посебна врска со неа и таа ја одржува во исто време.“
Според извори за „Дејли мејл“, Тајгер Вудс и Ванеса, кои живеат во Флорида, се заедно од празникот „Денот на благодарноста“. Тие живеат 20 минути подалеку еден од друг во богат дел на Палм Бич, Флорида, а беа видени заедно на голф турнир минатиот месец. Најстарата ќерка на Ванеса, Каи (17), и децата на Вудс, Чарли (16) и Сем (17), заедно го посетуваат училиштето Бенџамин, чија школарина изнесува 38.595 долари годишно.
Изворите исто така велат дека и другите членови на семејството Трамп, вклучувајќи го и поранешниот сопруг на Ванеса, Доналд помладиот ја поддржуваат нивната романса.
Ванеса помина 13 години во брак со најстариот син на американскиот претседател, заедно добија пет деца, а поднесе барање за развод во 2018 година. Од тогаш таа немаше никакви познати или јавно експонирани врски, сè до сегашната врска со Тајгер Вудс.