„ИТНО ДА СЕ ЗАТВОРИ ЗООЛОШКАТА ГРАДИНА“ Реакција на Анима Мунди по евтаназијата на слоницата Дуња

Денешната вест за трагичната смрт на една од слониците Дуња во скопската зоолошка градина повторно разбуди бес и загриженост за благосостојбата на дивите животни кои под параван на „едукација и забава“ се држени како затвореници во современа човечка творевина нималку слична на нивниот природен хабитат, велат од Анима Мунди.

„Како некоја досега невидена и нечуена шема на смрт, се почесто низ годиниве наназад се случува класичен помор на дивите животни во ЗОО Скопје под неразјаснети околности и образложенија за кои јавноста е скептична и се сомнева дека позади сите овие трагедии се крие негрижа и неуспешно менаџирање. Бараме независна истрага од надворешни експерти за да се обезбеди објективност и темелност, да се утврдат основните причини за овој помор без разлика дали се поврзани со медицинска нега, услови за живеење или практики на управување. Бараме да биде даден на увид на јавноста извештајот од докторите по ветеринарна медицина од Белгија кои ја прегледале Дуња. Бараме итно затворање на Зоолошката градина во Скопје бидејќи условите не се во согласност со принципите на хуман и етички третман на животните и нималку се едукативни и забавни“, соопшти Анима Мунди.

🎥 СЛОНИЦАТА ОД СКОПСКАТА ЗООЛОШКА ГРАДИНА НЕ УГИНАЛА, ТУКУ БИЛА ЕВТАНАЗИРАНА Лажна вест е дека некој се обидел да ја скрие смртта на Дуња

„ДУЊА БЕШЕ ЕВТАНАЗИРАНА ЗА ДА НЕ СТРАДА ПОВЕЌЕ“ Слоницата немала заби, не гледала, имала повеќе болести, велат од ЗОО Скопје