ИТАЛИЈА ВОВЕДЕ НОЌЕН „ВОЗ ЗА ПИВО И ЗА ЗАБАВА“ Крајната дестинација му е минхенскиот Октоберфест

Италија лансираше специјален ноќен воз со вагони за спиење што ги поврзува Рим и Минхен, нудејќи им на патниците уникатно искуство – баварска музика, свежо пиво и традиционална храна веќе на пат кон познатиот Октоберфест.

Овој воз, наречен Минхен Експрес (Еспресо Монако), работи во рамките на италијанската државна компанија FS Treni Turistici Italiani.

Станува збор за посебна линија со баварска тематика што им нуди на патниците незаборавно 16-часовно патување со танцување, пиво и вечера во возот.

„Заборавете на стресот од возењето и непотребните запирања. Со нас, забавата започнува штом ќе се качите на возот“,  се наведува во соопштението за медиумите на операторот.

Патниците можат да уживаат во традиционални закуски, свежо сварено пиво и баварска музика, пред да се повлечат да спијат во вагоните со кауч или вагоните за спиење.

Обожавателите на Октоберфест можат да резервираат кабини за едно или две лица, или кабина со четири кревети за целото семејство, додека самиот пат води низ прекрасни предели: Фиренца, Верона, Болоња и Алпите.

Оваа специјална линија сообраќа само двапати – на 26 септември и 3 октомври.

Цените за „Минхен експрес“ по повод Октоберфест почнуваат од 99 евра по насока, а билетите може да се резервираат преку платформата Railbook.