ИТАЛИЈА БАРА КОВИД СЕРТИФИКАТИ ЗА СИТЕ РАБОТНИЦИ Мерката не вроди со плод, бројот на ново вакцинирани опаѓа

Обидот на италијанските власти да ја зголемат вакцинацијата против коронавирус со воведување задолжителни сертификати за коронавирусот за сите работници, не ги даде очекуваните резултати, се вели во податоците цитирани од Ројтерс.

Работниците без потврди за ковид-19 нема да добијат плата

Владата на премиерот Марио Драги минатиот месец донесе декрет со кој се бара работниците да имаат таканаречена зелена карта од 15 октомври за да покажат дека биле вакцинирани против коронавирусот, дека имале ковид-19 во последните шест месеци или биле негативни на тест во последните 48 часа. Работниците кои немаат зелена карта ќе бидат суспендирани и нема да земаат плата.

Министерот за администрација Ренато Брунета изјави по донесувањето на мерката на 16 септември дека ќе доведе до огромно забрзување на вакцинацијата и дека целта ќе биде постигната пред мерката да стапи во сила. Тоа не се случи, пишува Ројтерс.

Во текот на неделата до 8 октомври, околу 410.000 луѓе ја примиле првата доза на вакцината, според податоците на Италијанскиот штаб за цивилна заштита, што е за 36 проценти помалку од претходната недела. Тоа е недела со најмалку вакцинирани од почетокот на јули.

Остриот пад на бројот на вакцинирани

Изјавата на владата се чинеше дека првично поттикна мало забрзување на вакцинацијата, со зголемување од 11 проценти во првата недела по донесувањето на мерката на 16 јули. Тој број, сепак, беше помал од бројот вакцинирани две недели порано. Бројот на вакцинирани се зголеми во периодот од 24 септември до 1 октомври, за да биде проследен со остар пад следната недела.

Сертификатите за ковид првично беа замислени како средство за олеснување на патувањето во Европа, но неколку земји ги поставија како услов за влез во музеи, спортски сали и ресторани. Сепак, само во Италија сертификатите за коронавирусот се задолжителни за сите работници.

Со наближувањето на 15 октомври, работодавачите од индустрискиот север во земјата предупредуваат дека ќе им недостасуваат работници, а некои од провинциските лидери предупредуваат дека ќе биде невозможно да се обезбедат доволно тестови за работниците кои не сакаат да се вакцинираат.

Илјадници луѓе протестираа во Рим

Повеќе од 10.000 луѓе протестираа во саботата во Рим против зелените пропусници. Протестите станаа насилни кога неколку стотици демонстранти, вклучително и неофашистички активисти, провалија во просториите на најголемата синдикат во Италија и се судрија со полицијата.

Драги донесе одлука за задолжителни ковид потврди за работниците и покрај успешната кампања за вакцинација. Повеќе од 80 проценти од Италијанците постари од 12 години се целосно вакцинирани.