ИСТОРИСКИ РЕКОРД ОД 1,255 МИЛИЈАРДИ ЕВРА НА СТРАНСКИ ДИРЕКТНИ ИНВЕСТИЦИИ Највисок износ од речиси 400 милиони евра е реализиран лани во последниот квартал
Министерката за финансии која ги објави резултатите рече дека освен во апсолутен износ странските директни инвестиции лани се висок износ и во домашниот бруто производ (БДП) со учество од 8,1%.
Во земјава лани е реализиран највисок износ на странски инвестиции од 1.255 милијарди евра кој е двојно повисок од 2023 година и за дури 70% во однос на најдобрата година за вакви инвестиции – 2022 година, соопшти министерката за финансии Гордана Димитриеска Кочоска презентирајќи резултати објавени од народна банка.
Во 2024 година, вкупните директни инвестиции во земјата изнесуваат 1.255 милиони евра, како резултат на нето-приливите кај меѓукомпанискиот долг (за 686 милиони евра), сопственичкиот капитал (313,6 милиони евра) и реинвестираната добивка (255,3 милиони евра) – рече таа.
Највисок износ на странски директни инвестиции од повеќе од речиси 400 милиони евра се остварени во последниот квартал од годината, како резултат на зголемените нето-приливи врз основа на меѓукомпанискиот долг (296,7 милиони евра) и зголемените инвестиции во сопственичкиот капитал (104,4 милиони евра), наспроти намалувањето кај реинвестирањето на добивката (3,6 милиони евра).
Димитриеска Кочоска рече дека освен во апсолутен износ странските директни инвестиции лани се висок износ и во домашниот бруто производ (БДП) со учество од 8,1%.
Највисок износ на странски директни инвесиции има Велика Британија со учество од 256 милиони евра, Германија со 202 милиони евра, Турција 137 милиони евра, Холандија 67 милиони евра…
По дејности најголем износ на инвестиии има во производство 408 милиони евра, градежништво, услуги и кај електрилната енергија.
– Ваквиот тренд очекуваме да продолжи и во 2025 година – рече Димитриеска Кочоска.
Позитивна реакција пристигна и од премиерот Христијан Мицкоски, кој за време на летот кон Истанбул напиша на Фејсбук:
„На пат кон Турција и средбата со претседателот Ердоган денес, ја добив одличната вест која ја најавив и претходно, односно потврдата дека Македонија го достигна историски највисокото ниво на странски директни инвестиции. Во 2024 година, вкупните директни инвестиции во земјата изнесуваат 1 милијарда и 255 милиони евра, а растот во последниот 4ти квартал на минатата година од цели 400 милиони евра што за Македонија и регионот е најдобар економски резултат. На овој успех се радувам особено затоа што сите знаеме каков економски пустош и запоставеност во секоја област затекнавме. Ќе продолжиме макотрпно да работиме за секој еден граѓанин, и да ја развиваме економијата обезбедувајќи заедничка иднина. Само со работа, успеси и визија Македонија станува повторно ваша“.