ИСКЛУЧЕНА Е СТРУЈАТА ВО РЕЧИСИ ЦЕЛА УКРАИНА Властите штедат енергија по обемните руските напади
Во тек се поправки за враќање на електричната енергија во сите области погодени од бомбардирањето, соопшти главниот оператор во земјата Укренерго. Синоќа, прекини на електричната енергија веќе беа воведени во осум од 24 украински региони.
Во речиси цела Украина нема електрична енергија поради штети од руски напади, соопшти денеска операторот на мрежата.
„Поради сложената ситуација во енергетскиот систем на Украина, електричната енергија е итно прекината во сите региони, освен во Доњецк, на исток“, соопшти операторот на електрична енергија Укренерго преку Телеграм, повикувајќи ги граѓаните да ја користат електричната енергија штедливо доколку сè уште ја имаат.
Во тек се поправки за враќање на електричната енергија во сите области погодени од бомбардирањето.
Синоќа, прекини на електричната енергија веќе беа воведени во осум од 24 украински региони.
Приватниот оператор ДТЕК, исто така, пријави прекини на електричната енергија во неколку области, вклучувајќи ги Лавов на запад, Одеса на југ и главниот град Киев и неговата околина.
Во последните недели, Русија ги интензивира своите напади врз енергетиката и железничката мрежа.
Минатата недела имаше прекин на електричната енергија низ цела Украина, а во еден дел од главниот град Киев прекинот траеше неколку часа.