ИСЧЕЗНАТО ДЕВОЈЧЕ ПРОНАЈДЕНО ПО 60 ГОДИНИ Остатоците во пустината во Аризона конечно беа анализирани
Во 1960, луѓето немаа поим за каква било ДНК-технологија. Тие дури и не знаеја како да го наречат тоа. Не постоеше. Но, некако, на некој начин, тие направија доволно истрага за да ги зачуваат, документираат, за да се запомнат и сочуваат сите оние работи што ни требаа за еден ден да може да дојдеме до оваа точка, рече шерифот Дејвид Роудс за ДНК-анализата со која ја пронашле Шерон или „малата госпоѓица Никоја“.
По шест десетлетија, исчезнато американско девојче познато како „Малата госпоѓица Никоја“ (Little Miss Nobody) конечно доби име. Канцеларијата на шерифот на Округот Јавапај, Аризона, САД, одржа прес-конференција на којашто објави дека со ДНК-технологија, го идентификувале претходно непознатото девојче, чии останки се пронајдени во пустината во Аризона, 1960 година.
Нејзиното име било Шерон Ли Галегос.
– Во 1960, луѓето немаа поим за каква било ДНК-технологија. Тие дури и не знаеја како да го наречат тоа. Не постоеше. Но, некако, на некој начин, тие направија доволно истрага за да ги зачуваат, документираат, за да се запомнат и сочуваат сите оние работи што ни требаа за еден ден да може да дојдеме до оваа точка – рече шерифот Дејвид Роудс.
Внукот на Галегос, Реј Чавез присуствуваше на прес-конференцијата за да сподели дека приказната за исчезнувањето на неговата тетка е нешто со коешто тој израснал во неговото семејство.
Галегос била наводно киднапирана на 21 јули 1960, додека си играла со уште две деца во Аламогордо, Ново Мексико. Таа имала 4 години, а мртвото тело е најдено 10 дена подоцна. Наводните киднапери никогаш не се најдени, соопштија властите.