ИРАН СО ОДМАЗДА КОН ГРЦИЈА Окупирани два грчки брода, откако беше запленет руски брод со иранска нафта
Потегот на Иран е одмазда за Атина за запленувањето на пратката со иранска сурова нафта транспортирана со руски танкер во близина на Евија на 15 април и одлуката на Грција во четвртокот (26-ти мај) да го испрати товарот во Соединетите држави
Во тек е трилерот со окупацијата на двата танкери во грчка сопственост од страна на иранската револуционерна гарда.
Според Асошиејтед прес, претставник на американската одбрана, кој сакал да остане анонимен, рекол дека двата брода се приближиле до територијалните води на Иран без да влезат во нив. Потоа, како што истакна, бродовите се префрлија во морската област на Иран. Овие потези се сметаа за сомнителни, но ниту еден од двата брода не апелирал за помош.
Според Министерството за надворешни работи, хеликоптер на иранската морнарица слетал во петокот попладне на бродот „Делта Посејдон“ под грчко знаме, кој пловел во меѓународни води (22 наутички милји од брегот на Иран) во Заливот. Вооружени лица потоа го заробија екипажот, вклучувајќи и двајца Грци.
Сличен инцидент беше објавено дека се случил на друг брод под грчко знаме со седум Грци, кој се наоѓал во близина на иранскиот брег.
Потегот на Иран е одмазда за Атина за запленувањето на пратката со иранска сурова нафта транспортирана со руски танкер во близина на Евија на 15 април и одлуката на Грција во четвртокот (26-ти мај) да го испрати товарот во Соединетите држави.
Министерството за надворешни работи на Грција упати демарш до Иран и ги повикува грчките граѓани да избегнуваат патувања во конкретната земја, откако два брода што пловат под грчко знаме биле „насилно окупирани во Персискиот залив“.
– Генералниот секретар најостро ги осуди овие дела, кои се спротивни на основните правила на меѓународното право и меѓународната пловидба. Повика на итно ослободување на бродовите и нивните екипажи. Исто така, нагласи дека овие постапки ќе имаат особено негативно влијание врз билатералните односи, како и врз односите ЕУ- Иран – соопштија од грчкото МНР.
Додаваат дека веќе биле известени Европската служба за надворешни активности, Меѓународната поморска организација, како и сојузниците и партнерите на Грција.