ИРАН ГО ПРЕМЕСТИЛ КЛУЧНИОТ УРАНИУМ ВО ДРУГА БАЗА? Нема потврда дека Американците ја уништија постројката Фордо

Иран го преместил на непозната локација поголемиот дел од збогатениот ураниум кој му е потребен за да произведува оружје, пред американскиот напад во неделата, 22 јуни, изјави висок ирански извор за Ен-Би-Си-Њуз.

– Таму каде што се обидовме да ја запреме програмата, можеби всушност ја забрзавме – изјави за Ен-Би-Си Њуз американскиот сенатор Марк Кели, демократски член на Комитетот за разузнавање.

Веста ја пренесе и Ројтерс.

„Висок ирански извор за Ројтерс во неделата изјави дека поголемиот дел од високо збогатениот ураниум во Фордоу, локацијата каде што се произведува најголемиот дел од иранскиот ураниум рафиниран до 60%, бил преместен на непозната локација пред американскиот напад таму“.

Снимките од „Максар Технолоџис“ покажуваат „невообичаена активност“ во нуклеарната постројка Фордо во четвртокот и петокот, вклучувајќи долга редица возила пред влезот на објектот.

Експертите предупредуваат дека засега нема потврда дека американските напади врз клучниот ирански нуклеарен погон Фордо предизвикале сериозна штета.

– Салата што содржи стотици центрифуги е закопана премногу длабоко за степенот на уништување да се процени од слики од орбитата – рече Декер Евелет, истражувач од CNA Corporation специјализиран за сателитски снимки.

 

So the Uranium is still in Iranian hands… that’s concerning. But @JDVance is right that Russia privately doesn’t want Iran to have a bomb. One of many examples of support for @realDonaldTrump action no matter what countries say in public. https://t.co/nJSxNVsoRQ

— Keir Simmons Reports (@KeirSimmons) June 22, 2025

 

The bulk of highly enriched uranium stored at Iran’s Fordow nuclear facility was relocated to an undisclosed location prior to the US strike on the site, Reuters reported, citing a senior Iranian source. The source added that the number of personnel present at the underground…

— Iran International English (@IranIntl_En) June 22, 2025

Влезовите во подземните тунели во иранскиот нуклеарен комплекс Исфахан беа погодени за време на американскиот напад врз иранските нуклеарни постројки, објави Меѓународната агенција за атомска енергија (МААЕ).

„Утврдивме дека влезовите во подземните тунели биле делумно оштетени за време на нападот“, се наведува во соопштението на МААЕ, цитирано од британските медиуми.

Во соопштението на Агенцијата се додава дека во пресрет на нападот на Израел врз Иран на 13 јуни, поголемиот дел од збогатениот ураниум на Иран бил складиран во Исфахан.

МААЕ претходно објави дека нема зголемување на нивото на зрачење околу нуклеарните постројки во Иран.

Генералниот директор на МААЕ, Рафаел Гроси, за денеска свика вонреден состанок на Одборот на директори на МААЕ поради итната ситуација во Иран по последните напади.