🎥 ИРАН ГО НАПАДНА ИЗРАЕЛ! Спремни сме за војна, изјави портпаролот на израелските сили

Новинарот на американскиот портал Аксиос, Барак Равид, вечерва објави на платформата Икс дека Иран извршил напад врз Израел користејќи десетици дронови. Равид, кој е и аналитичар на Си-Ен-Ен, како извори наведе четворица неименувани израелски и американски претставници.

Израелската војска  соопшти досега идентификувала повеќе од 100 дронови лансирани од Иран кон Израел.

Портпаролот на израелската армија, Даниел Хагари, потврди дека од територијата на Иран кон таа земја биле лансирани десетици беспилотни летала . Според него, израелските воздухопловни сили ги надгледуваат беспилотните летала, а тој нагласи и дека ќе бидат потребни неколку часа за да стигнат до воздушниот простор на земјата.

– Ќе се изврши блокирање на ГПС и војската ќе се обиде да ги пресретне беспилотните летала – рече тој.

Хагари додаде дека ќе има нови предупредувања доколку се случат нови напади и армијата навремено ќе ја информира израелската јавност.

– Сирените за воздушен напад ќе се огласат само во случај беспилотните летала да влезат во израелскиот воздушен простор, а војската ќе се обиде да ги пресретне и собори што е можно поскоро – рече Хагари.

Израелскиот премиер Бенјамин Нетанјаху свика состанок на воениот кабинет во воениот штаб Кирјат во Тел Авив, соопшти неговиот кабинет.

Според израелските медиуми, САД први дознале за лансирањето и веднаш го известиле Израел.

– Би ги повикал сите да не шират непотврдени гласини, да се држат само до официјалните пораки од ИД. Ќе ве контактирам доколку нешто се промени, останете смирени како и досега и следете ги упатствата. Израелската армија е добро подготвена и сите нејзини елементи, одбранбени и офанзивни, подготвени сме за различни сценарија и тесно соработуваме со САД и со другите партнери во регионот за да ги пресретнеме тие напади. Имаме одличен противвоздушен одбранбен систем, но мора да запомните дека одбранбените мерки никогаш не можат да бидат 100% успешни, затоа мора да ги следите упатствата што спасуваат животи – рече портпаролот на израелската армија.

Ќе бидат потребни неколку часа за да стигнат до Израел, ќе се обидеме да ги спречиме да влезат во нашиот воздушен простор. Ако влезат, ќе слушнете сирени и аларми, каде и да влезат овие закани и ние ќе ги пресретнеме. Веднаш ќе ве известиме на сите платформи и ќе дојдам на телевизија да ви дадам нови информации, додава Хагари.

🚨🇮🇱🇮🇷 SECOND WAVE of drone launches from IRAN HEADING TOWARDS ISRAEL.
pic.twitter.com/Nyd02Ddxb4

— Jackson Hinkle 🇺🇸 (@jacksonhinklle) April 13, 2024

 

🇮🇷Iran launches attack on Israel🇮🇱 with dozens of suicide drones armed with 20kg of explosives each, set to hit mainland in 9 hours pic.twitter.com/c66WWvZqzT

— Sumit (@SumitHansd) April 13, 2024

Тајмс oф Израел напиша дека според ирански медиуми, по првиот бран беспилотни летала, Иран лансирал и втора група дронови.

Подоцна медиумите, поврзани со властите во Иран, јавија дека Техеран лансирал и трет бран дронови кон Израел.

Израелската управа за аеродроми (ИАА) соопшти дека воздушниот простор на Израел ќе се затвори од 12.30 часот поради иранскиот напад врз Израел.

Корпусот на Исламската револуционерна гарда издаде соопштение во кое го потврдува нападот врз Израел, велејќи дека тоа е одговор на нападот на Израелските одбранбени сили (ИДФ) врз конзуларниот комплекс во Дамаск во кој беа убиени неколку членови на ИРГЦ, вклучително и двајца генерали.

Во меѓувреме, армијата во Јордан го следи нападот. Два локални безбедносни извори изјавиле дека јорданската воздушна одбрана е подготвена да пресретне и да собори какви било ирански дронови или авиони што ќе го нарушат нејзиниот воздушен простор.