ИРАН Е БЛИСКУ ДО НУКЛЕАРЕН ДОГОВОР Топката е во полето на противникот
Доколку САД се прагматични, ние сме подготвени министрите за надворешни работи на земјите од заедничката комисија за нуклеарниот договор да се соберат во Виена и да го финализираат договорот, истакна Амирабдолахиан на прес-конференција со сирискиот колега Фајсал Мекдад.
Иранскиот министер за надворешни работи Хосеин Амирабдолахиан изјави денеска дека Исламската Република и светските сили се поблиску од кога било до обновување на нуклеарниот договор од 2015 година.
– Доколку САД се прагматични, ние сме подготвени министрите за надворешни работи на земјите од заедничката комисија за нуклеарниот договор да се соберат во Виена и да го финализираат договорот – истакна Амирабдолахиан на прес-конференција со сирискиот колега Фајсал Мекдад.
Можеби ќе ве интересира
– Веруваме дека денес сме поблиску до договор во Виена од кога било досега – нагласи шефот на иранската дипломатија.
По 11 месеци преговори и Иран и САД сега тврдат дека топката е во полето на противникот.
Стејт департментот вчера соопшти дека договорот не е блиску и е неизвесен.