Темната страна на Бил Гејтс! Ги малтретирал вработените, имал вонбрачни врски, а вака се осигурал дека нема да се зборува за тоа

Веста за разводот на Бил и Мелинда Гејтс, по 27 години брак, го обиколи светот. Милјардерот и основач на Мајкрософт веднаш стана жртва на таблоиди, сензационални наслови и бројни шпекулации.

Засега, не е позната вистинската причина за разделбата, а самата компанија „Мајкрософт“ не зборува за тоа, а се чини дека на тајноста на Гејтс наскоро може да и дојде крајот затоа што има сè повеќе обвинувања за неговиот лош однос кон вработените.

Инаку, Гејтс го напушти управувањето со компанијата во 2008 година, а неговата сопруга Мелинда исто така се фокусираше на работата во нивната добротворна фондација во изминатите години.

Според „Venity Fair“, вработените се жалеле на несоодветно однесување на работното место и дека Гејтс имал романтични врски со подредените.

Среде приказната за разводот, стана јасно дека Гејтс има двојна природа, а еден поранешен вработен рече дека е вистина тешко да се работи со него.

Потоа тој склучувал договори за доверливост со вработените за тие да не шират понатаму што се случувало на работното место.

– Долго време ни беше кажувано дека имаме договор за доверливост и дека не можеме да разговараме за тоа – рече поранешен работник кој сам потпишал таков документ.

Иако е свесен дека адвокатите на Гејтс ќе бидат зад неговите петици, а како што вели „воопшто не се убави луѓе“, тој реши да зборува за деталите.

Како што рече за „Vanity Fair“, Гејтс, како и многу други технолошки претприемачи, беше многу нетрпелив и барал премногу, но тоа однесување зависи и од ситуацијата на пазарот, растечката ИТ-индустрија и слично. Поранешен партнер кој работеше директно со Гејтс рече дека ако не ја завршите работата во утврдениот рок, ќе мора да одговорите директно на него. И тогаш Гејтс воопшто не би бил пријатен.

– Тој би ти поставил прашање, а кога ќе одговориш, ќе ти речеше: „Не е точен одговорот“.

Приказни за вонбрачните врски на Гејтс кружат со години. И врската со Бил и Мелинда започна на работа – Бил беше шеф, а таа млада вработена со која флертувал на една конференција, а на друга и побарал да ја одведе на вечера додека биле на паркинг.

„Њујорк Тајмс“ напиша дека Гејтс ги „бркал“ жените кои работеле за него додека тој бил во управата на „Мајкрософт“, тој поканил една на вечера по електронска пошта, а друга на едно службено патување и рекол дека сака да ја изнесе на вечера.

„Тајмс“ објави дека жените не се чувствувале принудени да го сторат тоа, но дека станува збор за очигледна злоупотреба на моќ. Во 2019 година, управниот одбор на „Мајкрософт“ започна истрага за однесувањето на Гејтс кога се појавија шпекулации дека тој имал одредени намери со една вработена во 2000 година. Гејтс потоа се повлече од управниот одбор, кога компанијата исто така ангажираше адвокатска канцеларија за да ги испита обвинувањата. (Портпаролот на Гејтс, од друга страна, тврди дека напуштањето на одборот немало никаква врска со наводната афера).

За луѓето кои работеа со него, однесувањето на Гејтс беше јавна тајна.

Друг поранешен вработен, кој потпиша договор за доверливост, рече дека се случило милијардерот да дојде да работи во „мерцедес“, а еден час подоцна, еден од членовите на обезбедувањето да се појави во златно-кафеаво „порше“ кое Гејтс тогаш го користел.

– Верувавме дека тој заминува со жени во тоа време. Знаевме дека има голем број состаноци кои не беа официјално вклучени во неговиот календар – изјави тој.

Неговите неверства не беа тајна и тој често исчезнуваше среде работно време.

„Vanity Fair“, заклучува дека не е целосно јасно колку неговата сопруга Мелинда знаела за сето тоа и колкава улога имаа гласините во нивниот развод.

Извори блиски до парот велат дека имало голема напнатост меѓу нив и дека тие живеат со години одвоено. Покрај тоа, Мелинда ангажирала адвокати кога во јавноста се појавуваа приказни за Гејтс кога се дружеле со милијардерот педофил милијардер Џефри Епштајн, кој постојано беше обвинет за злоупотреба и мамење на малолетници.

Епштајн почина во затвор во Њујорк во август 2019 година и иако беше официјално објавено дека станува збор за самоубиство, многумина се сомневаат во таа верзија.