ИНТЕРЕС НА ГЕРМАНИЈА Е ДА ЈА ПОМАГА УКРАИНА Германскиот министер вети помош, но не и ракети „Таурус“
Германскиот министер за одбрана вели дека неговата земја ќе продолжи да ја по тоа нема да стави крај на војнатмага Украина без разлика на тоа дали САД ќе обезбедат помош, но на прашањето во врска со испраќањето ракети „Таурус“ одговори негативно велејќи дека тоа нема да стави крај на војната.
Германија ќе продолжи да ја поддржува Украина со нејзината нова влада без оглед на тоа дали САД ќе обезбедат помош, бидејќи тоа се совпаѓа со националните интереси на Германија, изјави германскиот министер за одбрана Борис Писториус за телевизијата АРД, цитирана од Укринформ.
– Ако Украина падне, ако Путин ја добие оваа војна со окупирање на Украина, тоа ќе претставува максимална закана за НАТО, како и за соседните земји на НАТО како Грузија и Молдавија. Ова не е само солидарност со Украина, туку станува збор за нашата безбедност и мир во Европа – рече Писториус.
Како одговор на прашањето за можноста за обезбедување ракети со долг дострел на Киев, како што претходно предложи идниот канцелар Фридрих Мерц, Писториус јасно стави до знаење дека таква одлука најверојатно нема да биде донесена.
– Веќе кажавме сè за „Таурус“: тоа нема да стави крај на војната – рече Писториус.
Според него, обезбедувањето разузнавачки информации е понеопходно.
Писториус, исто така, рече дека, според него, барањата на Трамп за територијални отстапки од Украина одат предалеку и де факто претставуваат капитулација.
– Украина можеше да го постигне ова сама доколку капитулираше пред една година – објасни Писториус.
Германската Влада во заминување подготви посебен фонд од 100 милијарди евра за модернизација на НАТО и исполнување на целта да се издвојуваат два отсто од БДП за Алијансата, што веројатно ќе се зголеми на три отсто или повеќе кога лидерите на НАТО ќе се состанат во Холандија во јуни.
Претседателот на Германија Франк-Валтер Штајнмајер денеска рече дека ќе се трудиме Германија и нејзината војска и инфраструктура да бидат ’рбет на одбраната во Европа“ и дека земјата ќе се приспособи на новите безбедносни батања во Европа. Неговата земја доаѓа во време кога Германија одбележува 70 години членство во НАТО.