ИНТЕНЗИВНИТЕ БОРБИ НАСКОРО ЌЕ ЗАВРШАТ, НО НЕ И ВОЈНАТА Нетанјаху ќе распореди одбранбени сили на север
Интензивната фаза од борбата против Хамас наскоро ќе заврши. Тоа не значи дека војната ќе заврши наскоро, изјави премиерот на Израел, Бенјамин Нетанјаху.
Премиерот на Израел, Бенјамин Нетанјаху, вчера изјави дека наскоро ќе завршат интензивните борби против Хамас во Рафа.
– Интензивната фаза од борбата против Хамас наскоро ќе заврши. Тоа не значи дека војната ќе заврши наскоро… По завршувањето на интензивната фаза, ќе можеме да прераспоредиме некои сили на север и тоа ќе го направиме, главно за одбранбени цели, но и за враќање на раселените жители во нивните домови – истакна Нетанјаху.
Можеби ќе ве интересира
Тој додаде дека нема да прифати никаков „делумен“ договор.
– Целта е да се вратат заложниците и да се искорени режимот на Хамас во Газа – наведе премиерот на Израел.