ИНСПЕКТОРАТОТ УТВРДИ ДЕКА НЕМА ЦИЈАНИД ВО КРИВА РЕКА Од ВМРО-ДПМНЕ бараат градоначалникот на Крива Паланка да одговара за ширење паника
Претходно градоначалникот на Крива Паланка, Сашко Митовски, тврдеше дека водата во Крива Река е сериозно загадена и спаѓа во најлошата категорија на загадени води, неупотреблива за која било намена.
Државниот инспекторат за животна середина утврди дека нема цијанид во водата на Крива река во Паланка. Ова денеска го соопшти директорката на инспекторатот, Ивана Гиновска на прес конференција.
Претходно градоначалникот на Крива Паланка, Сашко Митовски, тврдеше дека водата во Крива Река е сериозно загадена и спаѓа во најлошата категорија на загадени води, неупотреблива за која било намена.
Со реакција за настанот излезе ВМРО-ДПМНЕ барајќи градоначалникот кривично да одговара заширење паника во јавноста. Партијата тврди дека Митовски свесно ширел паника за да собере политички поени.
„Градоначалникот на Крива Паланка од редовите на СДСМ, Сашко Митовски, велеше дека за 100 пати над дозволеното имало цијанид во водите на Крива река. За овие изнесени лаги и ширење на паника меѓу сограѓаните, кривично се одговара.
Митовски за политички поени во пресрет на локалните избори, свесно ширел паника и невистини во Крива Паланка. Сепак, за среќа на жителите на Крива Паланка, но и на граѓаните на Македонија, цијанид во Крива река нема над дозволеното“, реагира ВМРО-ДПМНЕ.