Инспекторатот поднесува пријави, струмичкиот клуб „Аватар“ си тера забави (ВИДЕО)

Државниот пазарен инспекторат поднесе пријава против струмичкиот ноќен клуб „Аватар“ за непочитување на здравствените прописи за време на епидемијата на ковид-19, но клубот и натаму работи.

Директорот на Пазарниот инспекторат Стојко Пауновски, за медиумите  изјави дека петочната забава успеале да ја прекинат во 1 часот по полноќ и дека веќе е поднесена кривична пријава.

Во Клубот два дена по ред се одржуваат забави на „отворено“ со неконтролиран број на гости кои не одржуваат растојание, што всушност и не е можно.

На социјалните мрежи граѓани споделуваат видеа и фотографии од забавите кои се масовно посетени од млади.

Видеа од забавите има и на фејсбук страната на клубот.Едно е од петок во 17 часот.

На фејсбук страната на ноќниот клуб стојат најави на забавите на отворено кои се организираат изминатите два дена и најавата за забавата вечерва.