ИНСПЕКТОР ВЛЕГУВАЛ ВО СИСТЕМОТ ЗА ИЗРАБОТКА НА ПЛАТИ И СИ ЈА ЗГОЛЕМУВАЛ ПЛАТАТА Ќе биде суспендиран
Против А.Ќ. ќе се поднесе и предлог за поведување постапка за кршење на работниот ред и дисциплина и ќе се изречат задолжителни мерки за одземање на службеното оружје и муниција и отстранување од работното место, односно суспендирање до завршување на дисциплинската постапка.
Одделот за внатрешна контрола, криминалистички истраги и професионални стандарди при МВР поднесе кривична пријава против А.Ќ., вработен како самостоен инспектор-главен дежурен во ДОЦ во РЦ за ГР Исток, поради сомнение дека сторил кривично дело „Оштетување и неовластено навлегување во компјутерскиот систем“ по член 251 став 1 и став 4 од Кривичниот законик.
Пријавениот, според документираните сознанија од истрагата, во повеќе наврати неовластено влегувал во компјутерскиот систем кој се користи во работењето на Министерството за внатрешни работи до програмата за изработка на плати во МВР, со туѓо корисничко име, при што направил измени во системот за евиденција на работните часови и ги променил компјутерските податоци за остварени работни часови. Притоа додал невистинити податоци за исплата на платата кај самиот себе и врз основа на тие изменети податоци од Министерството за внатрешни работи му се исплатени плати и придонеси за плата, со што пријавениот се стекнал со противправна имотна корист на штета на министерството.
Против А.Ќ. ќе се поднесе и предлог за поведување постапка за кршење на работниот ред и дисциплина и ќе се изречат задолжителни мерки за одземање на службеното оружје и муниција и отстранување од работното место, односно суспендирање до завршување на дисциплинската постапка.