ИНФЛАЦИЈАТА ВО ЈУЛИ ИЗНЕСУВА 3% Цените на мало во јули пораснале за 3,9%

Инфлацијата мерена преку индексот на трошоците на животот во јули 2024 година, во однос на јуни 2024 година, порасна за 0,7 % и на годишна основа изнесува 3%. Цените на мало во јули 2024 година во однос на јуни 2024 година пораснаа за 1,5%, а зголемувањето на годишна основа е 3,9%, покажуваат податоците на  Државниот завод за статистика.

Според овие податоци  растат трошоците за храна, здравство, транспорт, а најмногу поскапеле  угостителските услуги.

Храната на годишно ниво (јули2023 – јули 2024 година) бележи поскапување од 0,9%. Кај другите трошоци на граѓаните според статистика секаде има раст, односно за една година за 5,6% поскапи се алкохолните пијалаци и тутунот, облеката и обувките за 2,3%, мебелот и покуќнината за 3,2%, здравствената заштита за 5,8%, транспотртот за 4,8 %, комуникациите 3%, рекреација и култура 5,7 %, образованието 0,7%, а најмногу има поскапување кај угостителските услуги за цели 13,8%.

Месечното зголемување на инфлацијата (јули – јуни 2024 година), според статистика, е резултат на зголемувањето на трошоците на животот во следните групи: ресторани и хотели за 5,8 %, транспорт за 4,9 %, рекреација и култура за 1,2 %, здравје, разновидни стоки и услуги за 0,6 %, домување, вода, електрика, гас и други горива за 0,3 %, алкохолни пијалаци, тутун и наркотици за 0.1 %.

Во јули 2024 година, во однос на јуни 2024 година, намалување на трошоците на животот е забележано во следните групи: облека и обувки за 0,5 %, храна и безалкохолни пијалаци за 0,2 %, комуникации за 0,1 %.

Трошоците на животот во групите: мебел, поќукнина и одржување на домаќинствата и образование остануваат на исто ниво како и во претходниот месец.