ИНДИВИДУАЛЕН ПРИСТАП ЗА СЕКОЈА МАЈКА И ЗА СЕКОЕ БЕБЕ Се одржа првата обука од „Караванот на мајчинството“ на dm и Матрона

Стотина присутни имаа можност да ја слушнат првата од многубројните планирани обуки од ,,Караван на мајчинство“, која се одржа на 14 август. Караванот ќе се одвива во текот на целата година и ќе опфати online обуки, како и обуки со физичко присуство, кои ќе се одвиваат на темата ,,Правилна нега и исхрана на мајки и новороденчиња“.

89

Постои нешто навистина магично во бременоста. Секој ден во текот на деветте месеци во женското тело се случуваат биолошки процеси, организмот точно знае што да направи и кога. Кога го читаме ова, си велиме дека телото е програмирано само да ,,работи“ и ова нѐ доведува до тоа да поверуваме дека ние немаме контрола врз овие процеси. Но, ова не е вистина. Постојат многу работи кои може да ги направиме за да го оптимизираме нашето здравје, но и здравјето на бебето. Една од најважните работи овој период е негата и исхраната, а токму ова беше темата во првата обука на „Караван на мајчинство“ која се одржа на 14 август, онлајн на ZOOM платформата.

Прим. д-р Марина Поп Лазарова и д-р Александар Митов 2 часа, во присуство на стотина пријавени споделија драгоцени совети за идните и новите мајки. Тие разговараа за широк спектар на теми, започнувајќи од важноста и придобивките од доењето и мајчиното млеко (како за детето, така и за мајката), проценката на успешност за доење, измолзување и складирање на млекото, па сѐ до комплементарната исхрана која се воведува од 4 до 6 месец и начинот и стратегијата за воведување на оваа дополнителна исхрана.  Тие испратија важна порака дека  е неопходен индивидуален пристап за секоја мајка и секое дете, но и доволно трпение за овој период.






По обуката, следуваа бројните прашања од присутните, на кои беа дадени соодветни одговори проследени со совети и препораки сѐ со цел да им се помогне на трудниците и мајките во надминување на нивните лични и реални проблеми и дилеми.

Караванот на мајчинство во наредната цела година ќе опфати едукативни презентации, вебинари и работилници од страна на експерти од различни медицински области. Овие работилници ќе се одвиваат oнлајн на платформата ZOOM, но и со физичко присуство во различни градови.

Од компанијата велат дека емотивната поврзаност со нивните купувачи е нешто што тие ќе продолжат да го негуваат во текот на своето работење, а овој караван е нешто навистина значајно со кое се надеваат дека ќе се поврзат со идните и новите мајки.

Следната работилница е планирано да се одржи во септември, а за да го дознаете точното време и место, следете ги социјалните мрежи на dm!

Поврзани содржини