ИМАЛО ВОДА ВО „ЈЕЗЕРО“ НА МАРС Роверот „Истрајност“ ја разреши геолошката мистерија (ФОТО)

Роверот „Истрајност“ конечно ги потврди сомнежите на научниците дека некогаш постоела вода на Марс, испитувајќи го кратерот наречен „Језеро“ каде имало огромно античко – езеро, пишува Футуризам. По шест месеци напорна работа „Истрајност“ направи слики од далечна структура кои покажуваат различни слоеви на талог кои не би се формирале во сува атмосфера, потврдувајќи дека езерата и океаните на Марс биле слични на оние на Земјата.

„Роверот пронајде геолошки структури за кои истражувачите од НАСА и долга листа на американски и европски универзитети велат дека може да се формираат само од река што се влева во езеро подолг временски период“, се вели во истражувањето објавено во списанието „Наука“ во четвртокот.

It’s barren now — but once, it was beautiful.https://t.co/x0oUjn2LFO

— Futurism (@futurism) October 7, 2021

Научниците сепак немаа начин да дознаат дали површинската вода на Марс опстојува долго време и дали е минлива или испарува … или можеби се исцедува за кратко време откако ќе се собере. Седиментите на „Језеро“ ќе служат и како главна локација за лов на антички фосили, забележува порталот Спејс, бидејќи можеби постојат докази за микроби или други организми.

„Најизненадувачкото нешто што произлезе од овие слики е потенцијалната можност да се фати времето кога овој кратер се претворил од една жива средина, слична на Земјата, во оваа пуста пејзажна пустелија што ја гледаме сега“, напишал во студијата Бенџамин Вајс, научник од универзитетот МИТ.

„Овие камења може да бидат записи за оваа промена и ние вакво нешто не сме виделе на други места на Марс“.