ИМА И ВТОР КИНЕСКИ БАЛОН, ЛЕБДИ НАД ЈУЖНА АМЕРИКА „За цивилни цели е“

Балонот забележан над Јужна Америка е кинески и е за цивилни цели, изјави денеска на прес-конференција портпаролката на кинеското Министерство за надворешни работи Мао Нинг.

Мао додаде дека балонот има ограничена можност да го промени својот курс. Колумбиските воздухопловни сили во кусото соопштение во саботата соопштија дека нивните системи за противвоздушна одбрана откриле балон во петокот наутро.

– Ова е неочекуван, изолиран инцидент – рече Мао одговарајќи на новинарско прашање колку е сериозен инцидентот.

Таа додаде дека Кина и САД треба да се справат со влегувањето на кинескиот балон во воздушниот простор на САД на мирен и соодветен начин, без употреба на сила.

Претходно, Кина се закани дека нема да отсуствуваат последици откако армијата на САД вчера го собори кинескиот шпионски балон кај брегот на Каролина во САД, со образложение дека поминал над чувствителни воени локации низ Северна Америка.

Наредбата ја издаде американскиот претседателот Џо Бајден ја издаде наредбата, но тој планирал балонот да биде соборен уште во средата.

„Тој беше советуван дека најдобро време за операцијата ќе биде кога балонот ќе биде над вода“, изјавија американските власти.

Видео од соборувањето на балонот беше споделено на Твитер.

⚡️ The US military had shot down #Chinesespyballoon over the Atlantic Ocean.

Chinese Foreign Ministry responds, We express strong dissatisfaction and protest. US overreacted. We reserve the right to respond to America’s downing of the peaceful baloon. pic.twitter.com/yfr70cukiN

— Megh Updates 🚨™ (@MeghUpdates) February 5, 2023

КИНА ИМ СЕ ЗАКАНИ НА САД Балонот бил соборен во водите кај Јужна Каролина